Suedamerika- Reise

Cordoba Capital

Krassi Aasage…die groessti und bekanntischti kunsthandwerklichi Ustellig in ganz Suedamerika und de chli Gringo wo vo Tute kei Ahnig haet mittedrin…STAFF…verstaht sich…
so ischs recht =)
Die ganz Uusstellig umfasst ueber 700 Staend und zum sich das ganze gemuetlich inezzieh, brucht mer wohl me als en ganze Tag.

Es haet Kunsthandwerker vo ueberall in Suedamerika. E Fundgrueb vo gmuetliche Luet fuer Connections 😉

Tja, und was mach ich de ganz Tag det? Gueti Frag, ich weisses selber neod so gnau. Stahne hinderem Trese bine paar Messer (shet au es paar us Damaszener- Stahl (was wohl das hoechste aller Gefuehle fuer en Schmied isch)), rede chli mite Luet und luege zue, dasi ab und zue es Messer cha vertigge… Zwueschedure gahni irgendwelchi anderi Staend go bsueche, chli Mate suufe und rede mit de Luet. Ganz chilligi Sach

(und ja nebedbi bemerkt, kei ahnig wieso dasi noed die gummihaelsischi Sprach benutze)

S’beste aber: Bini chli al pedo gsi (= ueberfluessig, glangwiilt)

Unser Stand... Mit dem Meister

Denn hani gseh „Kung Fu“. Guet, bin ine, nach Trainingsziite gfroegt. Und denn gange. (natuerlich ganz en andere Stil, aber egal. Besser als immer hinderem Stuerrad zhocke).
Was ich fuer GEILI luet kenneglernt han….Unglaublich.
Scho zum x-te mal bini iglade worde (Asado, Pollo al Disco (Poulet; kocht inere grosse Pfanne mit Tomate, Zwieble, Wiiswii oder Bier…)), wohne im moment grad bi einere Familie und froege mich ab und zue, womit ich das ganze verdient han. Isch echt de Hammer!! Au de eint oder ander Moment vo Heiweh isch somit schlichtweg killt.
Da ich eu noed laenger wett langwiile hoer ich uf schwaerme, aber sisch echt unglaublich wie guet ichs mit dene Luet han, und das obwohl ich noed emal dere ihri Fruende kennt han oder anderswitig connected gsi bin.