Suedamerika- Reise

Argentinie isch jo bekannt fuer fleisch vorallem guts Rindfleisch, und das wird au bi jeder glegeheit in huelle und fuelle gesse.

Die typisch Argentinischi Parrilla (Grill) gits nid. Regional unterscheidet sich das es bizeli. Eis model isch dasmer zerst dut Fuere und den mitem Verstellbare Gill die gwuensti Hitz sucht (eher Schmali Parrilla). Inere Breite Parrilla wir uf de sitte ime Metalgstel gfuered d Glut gheit den abe und wird den undere Fixe ide hoechi nid ferstellbare gril verteilt. Oder merfuered eifach ganz normal nebe bi und fuert immer wider fruschi glut zu. Den gits do no en variation mit me licht Schrege Grill vo aso vo hinde bis vorne liecht gfell hed und so Temperatur Reguliert wird.

De Asado (Grilliere) wird do zelebriert und isch in Maenerhand, dass got ueber stunde s fleisch wird ganz langsam gart. Ide zwuesche ziit wird Blauderd en Mate (Nationalgetrenk, Tee us blaetter vom Yerba Baum) oder en Terere (au mit Yerba wie Mate, aber kalt mit Iss und Limone oder mit verschidne Limonadene) drunke, Bier got natuerli au 😉

Do ide hostel chunt ab und zu eine wod dich gut verstosch mitem und frog di hesch gern Asado, “jo”, gut den simmer scho zwoi. Bis am obe bisch de meistens z 6-8 lued entweder gotme zeme go boschde oder eine koordiniert und seit dir was und wiefill selsch bringe. Es heist den immer “es sel an nued fehle kauf nur gnu” und au wed weisch das telfti au wuerd lenge chaufsch den halt glich die gwuenschti mengi. Es wird zum teil mit 1Kg Fleisch pro Person grechnet.

Costilla (Rippe) isch das Typische Asadofleisch wo in ca 5-8cm breiti, langi Streife gschnitte wird und den samt Knoche und Fetschicht uf  parrilla chunt oder uf en Spies. Dur fettschicht blibt s Fleisch schoen saftig, gwuerzt wird pracktisch nur mit vill salz und vilicht es bizeli Pfefer; anderi gwuerz wie Rosmarin, Thimian, Paprika sind eher selte. Nebst em Rippestuck werdet au d oberschenkel im Querschnitt zu schoen grosse Saftige Fleischstuck gschnitte (durch die fine durwachsige vo fett, isch au das Fleisch schoen Saftig). Es gitt au anders aln nur Rind, zb. Poulet das wird meistens halbiert ufe grill gleit

Wuerst die stoehn au ufem spiesplan, die “normal” wurst hed oebe d groesi vonere Servela und isch im aller witiste sin wiene Schiensbrotwurst. Es gitt aber au villi Regionali wuerst und en Blutwurst die hani bis jetz ueberall gse aber die isch nid so Gustolino. Schwinigs gits natuerlich au aber usser Speck und Schinke chunt d Sau eher id wurst als ufe Grill.

Dezu gits meistens en gute Tropfe Rotwii; en teil Argentinier hend d agwohnheit de Rotwii kalt usem Chuelschrank z Trinke und den wir do mengisch au no mit iis noghulfe daser kalt blibt. Ich enthalte mich do ime komentar, andere laender andere sitten.

Mit wissbrot und wend gluck hesch no mitme salat wird den gesse…