Suedamerika- Reise

So mini letzti Etape Chile hani jetz den au hinder mir, vorerst.

Als Kroenende Apschluss hed Pucon doerfe diene; En chlieni vertreumtis Turri Stadt. Do im Chilenische Patagonie isch alles moegli alles vo sich en Abetuerhungrige wuenscht isch mach bar. Au d Prise sin dem entsprechend, Pucon gilt anschienend als Tuersti Stadt vo Chile.

Nid dases do usser de vile Vulkaen usgset wie bi eus heds au glichi Pflanze: Spietzwegerich, Johaniskraut, Koenigskerze, Fingerhuet, Disteln und viele mehr. Ich koent do irgentwo es Foto mache egal vo und was, me choents nid de Schwiiz oder Chile zueortne. Do sich extrem vieli Duetschi, Oestricher und Schwiizer do agsidlet hend bechunsch au alli die Spezialitente wie, Wurst, Brot, Kaes, Schoggi und s wasser chame au trinke. Acho und zerst mol gschockt vo dene Prise hed den glich no oebis ane muesse. Do es do sovili vuelkaen hed heds no einisch meh Thermalbaeder snechst bruchbare aber 35 Km entfernt. Um bar Mill Pesos z Spare und oebis vo de uemgebig z gse, fahri mitme Kindervelo ohni Funktionierendi Bremse und der gleichen vom Hostel Cheffe doert ane. Mitme wuenderbare bad den au belohnt, es hed verschideni Schwimmbeckene eis sogar mit satte 39 Grad zum Glueck au en Schmelzwasserfluss wome sich den Knipe measig chan ab chuele. Komischerwiss bini de einzi wo sich de Spass goent alli andere mide s kalte Wasser.

Nachem Rueckweg vo nomol 35Km bini fix und fertig und alles duet mer weh psunders de Arsch vo dem Supper Sattel.

En Tag am Gmuetliche Strand zur erholig lenged den au. En Nationalpark isch es par Km entfernt und per Glueck ferwuetschi den au no en usser Planmeasige buss, wo sagar uf mich wartet weli zerst ha muese gelt Organisiere. De Park eifach nume Schoen, es hed Beum mit duerchmesser vo meh as 2 Meter etlechi Fluessli und Seeli und erstreckt sich uf es ganzes Tall. Sibe kilometer hi und zrug und a jedem egge duetschi was natuerlich zu Scherze foermlich iladet (kei anig wiso die immer sgfuehl hend das si niemerz verstoht).

Sehr schoeni ziit do gsi wirdi nie vergesse und jetz bini uf die Argentinischi Site vo Patagonie Gspannt…

Dr. Bertolino