Suedamerika- Reise

Neuquen de Hauptstadt vode glichnamige Provinz, isch Langeweile pur! Usser me doerfli chli usserhalb wo de groest Dino vor welt chasch aluge chasch nued mache (seit au s turribuero). Und das ide Richste Provinz vo Argentinie, haupsaechlich risigi  Oel und Gas vorkomme.

Den halt schneller als Planed endlich „El Bolson“ hauptstadt vo de Hippis in Argentinie.  Woni den a cho bi zerst mol Enduescht, natur wunderbar d Stadt aber Beeeee nued schoens. Denoch en Megnet fuer alli Argentinische Rucksacktouriste und vo dene heds jede menge. Die meiste Alternativ igstellti lued die andere Lievestyle Hippis. Nach langer und zeecher suchi nach me Hostel dank de Hilf vome wwoofer us Kanada doch no fuendig worde. Er hed mir den au verzellt dases do in Patagonie fuers wwoofe (Arbeiten fuer choscht und Logie)  regelchechti warte listene git und ca. 3 Wuche wartisch und das, dass Praktisch usnahmslos „Uslender“ sin also uf Englisch gred wird)

Vo afang ah isch fuer mich klar gsi das ich die Berge do usicher mach d frog isch nur gsi wie und wo. Es hed den au sini ziit brucht bis ich zu entsprechende Informatione cho bin und alles Organisiert han. D Usrustig het au muesse Optimiert und Apasst werde, dos eifach kei Spass macht mit allem blunder go Wandere, ha den au s unbenoetigte choene deponiere. 1000 hohemetter und 15 km pro tag sind nid grad en Spaziergang und glich chasches gmuetlich neh und die unberuerti natur uf dich wircke loh. D Huedene sind richtig Urchig, alles irgentwie zemme Zimmeret mit markantem Rundholz; nume Gmuetlich. Mini erst wuerkli warm duschi ohni muesami chalti unterbruch bechumi au do. Holzoefeli, wassertank, Fuehr; „Wasser marsch“ 😉 Und nid nur mini duschi isch eifach, gut und selbergmacht gsi. Sondern au mis Triumpfbier selberbraut, Brot selber Bache und s Lammfleich woni im Teller gha ha; hinder de huete isch s Faeli ufgspanned. ESO PARA MI ES VIVO : )  Aso d Hippis findsch nur ide Stadt wen de Kunsthandwerkmarkt isch, ansonste hen die sich alli gmuedlich um d Stadt ume agsidled (Die meiste intelektuelle vom grossrum Buenos Aires und „Usslender“). Am letschde tag bim Abstig heds den no so richtig Pissed, bi klatsch nass bis uf unterhosse gsi. Aber einiges besser, wie die Stedter wo nach mir dreckig vo obe bis unde irgendwie mit ihrne Turnschueli ohni Profil, de Berg abe drohled sind 😉

Alli Erwartige meh as uebertroffe…!

Dr. Bertolino