Suedamerika- Reise

Seit Knapp drue woche goemer  voruebergehend getrennte wege, d Papier vom Auto sind immer nonig ume gsi und meine Zeit lauft.

Also bin ich den am 29.12.09 mitem Bus richtig Rosario ufbroche. So en bus hed jede komfort wome sich nuer cha wunsche; Fernse, klimaalag und Liegesitz aso glich wie bi eus.

Rosario wird mit Barcelona vergliche nid ganz zu unrecht aber isch scho nid s gliche. Aber mit 1,2 mio einwohner die 3. groesti Stadt vo Argentinie und wahren umschlagsplatz fuer de Norde. Der flus Parana isch bis doert problemlos schiffbar.

Nach es par tag den uf San Luis untrwegs isch alles nur flach, topfebe. Baeum heds au nur grad mol am Strosserand oder imene Garte. Ansonsten Soja, Mais usw. Je noecher San Luis um so meh versteppt d Landschaft. D Stadt selber nid bsunders Spektakulear. also witter uf Mendoza.

Mendoza ganz anderst, do hens gelt, bar, lounges und Restaurands, wie i iedere Metropole vo Europa. Mendoza und San Juan sin d haubt produzente wo wii in Argentinie Produziere 3/4 vo de landes Produktion was glaub en 1/4 vo de Welt Produktion isch. S land normal au Steppe artig aber fast alles mit Wierebbe bepflanzt. Nach wiitere drue Tag Stadt ischs mir langsam verleidet und ich muss moll usse di Natur. Es Hostel so z finde und den au no es Guts garnid eifach. Aber wo ein wille da ein weg, und s beste und schoenste woni jee gsi bin, praktisch Perfekt.Mit barne usem hostel stuermi den s Basis Camp (3400) vom Aconcagua 6962 Meter ueber mehr, hochste Berg ganz Amerikas und ausserhalb Asiens wo grad ume egge ligt. Wend Karte alugsch gsesch nume 4000 und grossers; sehr beidruckend. Vorallem au dfarbe wod berge do hend. Vo Rot, Grueen, Gael, Brun, Grau bis wiis; alles vorhande. Das hostel ligt gnau zmitzt drin nur Berge, Steppe und en chline Fluss wo 100 meter devo weg dur d Steppe fluest und alles uf bluehe loht.

Nach 90 Tag lauft bekanntlich s turivisa ab aso ab nach Chiele um Spoeter wider es neus bi de ireis in Argentinie z becho. Chilenische behoerte sind keis bizeli besser als d Argentinier, fuer de Stempel im Pass warti ca 2 Stund inkl. Roenge vom Gepeck unds Beschnuppere vome Drogehund. Ganzi ziit Plan ufe Kopfgstellt, stad direkt uf Valparaiso no zerst 2 Tag in Santiago wuenderschoeni Stadt, dank Pinselrenovation. Den zum eigendlichen ziel Valparaiso e mittelgrosse Hafenstadt. Do hend die Strosse Mahler s saege. Bilder usem lebe vo de Leute, Richtigi kunstwerk von Kuenstler und Selbst versuech von einfache lued, alles do in huelle und fuelle.  Der Lebensstandart isch do aber glaub nid so hoech wie in Argentinie gset z mindesch so us.

Jo und morn gots wider wiiter…

Ps. mir were froh um meh Reaktione uf eusi bitreg, mir hen kei ahnig wer ueberhaubt list und ob uberhaubt gross glese wird!?

Grus Dr. Bertolino